Песьні-жальбы (1910)/Не пытайце не прасіце…

Не пытайце не прасіце… Верш Аўтар: Якуб Колас 1910 год

* * * * (Ўюцца думкі томяць грудзі…) →

Іншыя публікацыі гэтага твора: Не пытайце, не прасеце…

Прапануем да спампаваньня!

Не пытайце, не прасіце
Сьветлыхъ песень у мяне,
Бо як песьню засьпеваю,
Жаль ўсю душу скалыхне.

Яб сьмеяўся, жартаваў-бы,
Каб вас чуць развесяліць,
Ды на жыцьце як паглянеш,
Серцэ болем зашчыміць.

Нешчасьліва наша доля:
Нам нічога не дала.
Не шукайце кветак ў полі,
Як весна к нам не прыйшла!