Прывілей Казіміра (1447)

Прывілей Казіміра
Прывілей
Аўтар: Казімір Ягайлавіч
2 траўня 1447 году
Крыніца: [1]

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Во имя божье, аминь. К вечной речи памяти. Вси речи, который бывають, от людской памяти поспол с часом отходят, а ни потом к памяти могуть приведенны быти: олиж писмом и мають потвержены быти. Про тож мы, Казимир, ... (т), познавше верность уставичную почтивых, достойных, освеченых, выбраных, мудрых прелатов духовных и светских княжат, рыцеров, шляхтичов, бояр, местичов земль Великого Княжества Литовского и Руского, Жемоитского, которую ж к нам и к нашой парсуне освяченой, как то до правого дедича и пана прироженого, имели и имають, а також и на потом имети уставичне и верне мыслять, якож то черес осмотренье наше есть найдено: достойне умыслили есмы, за такие доброты и ласки, дары и иными ласками им милостиве отдарить; бо тогды потом к нам и к нашим службам найдени будуть рихлейшими, коли себе узрять такими ласками утешоны.

1. Тогож деля, наипервей, предреченым прелатом княжатом, рытерем, шляхтичом, бояром, местичом нареченых земль Великого Княжества Литовского и Руского, Жемоитского неотзывне дали есмо и моцъю того то листа щедре даваем, призволяем и вечне даруем посполито, права тыя, зволеньства, твердости, якож имають прелаты, княжата, рытеры, шляхтичи, бояре, местички Коруны Полское. Але бы потом в том не было никоторое отщепение, а любо недоверство возникнуть туто умыслили есмы положити через выклад письма явне.

2. А напервей, вся дарования, привелеи, твердости церквей головных, зборных и кляшторных в землях наших Великого Княжества Литовского и Руского, Жемоитского и иных, поставленных и заложеных, а и потом который будуть заложены, хочем без порушениа и без обид ховати, боронити и щитити, в подлуг всее нашее моци.

Которая ж то церква головная, зборная, кляштырная,... иж бы пуста была, а пастыря не держала, которое ж поданье к нам и к нашим наместником пригодило бы ся; тогды им с полного права, не иного, а любо не иных, пастыря, а любо пастырев давати маем, нижьли Великого Княжества Литовского, прироженого, аж достойными обычаи найден будеть; аж пак не будеть, тогды иншого рожаю парсуну ужиточную, почестливую, згодную, которая ж бы могла рядить и вжиточна быти, маем дати, только крат, колько будеть надобе.

3. Также предреченым прелатом, княжатом, рытерам, шляхтичом, бояром, местичом предреченых земель Великого Княжества Литовского, Руского,Жемоитского дали есмо: штож ни на жадного обмовление явное или тайное, тых княжат, рытеров, шляхтичов, бояр, местичов не будем казнити, ни именьи, а ни пенязьми, ни нятством, ни кровью, олижь очи-в-вочи, оба посполь явно стануть на суде, вподлуг права христианского, который ж будеть у подлуг переможенья права виноват, подлуг обычая и права Коруны Полское имають быти казнены и сужены, подлуг их великости проступков.

4. Також за проступку, каково ль коли проступить, нихто иный, только тот виноватец, хто проступить, подлуг права христианского имать быти казнен; штож ни жена за проступку мужа своего, а ни отец за проступку сына, а ни иный прироженный, а ни слуга, только олиж бы был причастник тое проступки, только выймуючы проступки против нашого господарства.

5. Також призволяем, абы княжата, рытеры, шляхтичи, бояре, добровольно имели бы моць выехати з нашых земель князьства великого, для лепшого шчастья набытия, а любо учинков рытерских, до каждых земель, сторон, только выменяючи стороны неприятельское, а куды выеждиваючи из своих имений, штобы службы наши не были замешканы, але нам и наместником нашим как бы сами очивисте были, только кроть, колько надобе служили бы.

6. Також предреченыи и княжата и рытеры, шляхтичи, бояре, местичи, именья свои и отчины, што им даное, а любо дарованое через освяченого кн. Александра, нареченного Витовта, достойной памяти дяди нашего, и через освяченого кн. Жикгимонта даные и дарованые, который ж держали, и имаюче и володеюче из их дарования привильями, достаточным светочством, твердостью листов возмогуть досветчити. с правом имають держати, якож то княжята и рытеры, шляхтичи, бояре и местичи у Коруне Польской свои именья держать, и добровольную моць имають продати и заменити и зычити, и дарити, к своему лепшому обернути; а коли тыи именья продаючи, заменяючи изыначаюче, даруюче, перед нами в любо перед нашими наместниками имають здати.

7. Також по смерти отцове, сынове и дочки от своее отчины не мають отдалены быти, але с их ближними с полным правом маюць володети, якож то княжата, рытеры, шляхтичи и местичи Коруны Полские своим володеють и к ужитком добрым промышляють.

8. А також, коли некоторому князю, рытеру, шляхтичю и местичю с того света пригодилося бы изыйти, тогды удову у в именьи мужа ея оставити хочем так долго, как долго будеть на столци вдовьем седети ажь, пак, коли которая усхочет к другой свадьбе прийти, маеть быти дана, когож выбереть. А дети, аж будут первого мужа, в именьи мають остати: аж, пак, не будет детей первого мужа, ино ближним менье первого мужа, якож и иный удовы у Коруне Полской деражать.

Аж первый муж у предреченом именьи своем своей жене некоторое вено запишеть, а она можеть того досведчити; тогды, подлуг обычая права, кому усхочеть, тому полецить.

9. А також дочки, племенници и удовы могуть замуж давати, нас и наших наместников не докладываючи, нижли только обычай христианской у том заховаюче.

10. А теж вси а каждый особне, селяни и подданные княжатом, рытерем, шляхтичом, бояром и местичом наших земель Великого Княства Литовского, от всего данья и заплаты, собранья вытягненя серебщизны и теж мер, который же дякла реченыи суть, от воженя каменя, протесов бревен и дерева на жжениа плит, а любо мелу на городы, сенокошения и иных несправедливых работ выпущены и будуть вольны овшейкы и выняты, выменуючи работы на будованье городов нашых новых потребных, а старых поправленья; теж княжатом, рытерем, шляхтичем селян данных и подданых и через нас им дарованых а також выимаюче.

А теж из-стародавна зыченые на нас и на наши будущий уряды поборы, стацыи, мостов новых чиненя, старых поправленя, а городов оправленя, непорушне заховаем, а и хочем всегда имети неслободных.

11. А також мы, а любо заказники наши, тых предречоных княжат, рытерев, шляхтичов, бояр, местичов земль наших литовских и руских и жемоитских и иных, людей данных, извечных, селянитых, невольных, которое бы коли плоти были, а любо достойности, не приймем, а ни урадником нашим принять не перепустим; а они теж прелатыжняжата, рытери, шляхтичи, бояре, местичи Великого Княства Литовского и Руского, Жемоитского, наших и будущих людей, которое бы коли плоти были, а любо достойности, приняти сами, а любо через свои врядники, ни жвдным (жадным) обычаем не смети будуть.

12. А також на подавание предреченых княжат, рытерев, шляхтичов, бояр, местичов децких не дамо; олиж бы первей от пана, которому ж тот поддан, который кривду вчинил, правда пожадана была, ач бы он на рок не хотел к праву поставити; тогды наш децкий, а любо наших заказников имать быти послан; а виноватый, который вину заслужил - пану своему, а не иному будеть обязан заплатити.

13. А також обецуем и слюбуем, иж панства нашего земль, великого князьства предреченого, не вменшим, але у границах, как же предки были наши, на имя князь Александр, нареченый Витовт, дядя наш, и иные деражали и володели, також и мы тыеж земли здорови, целы, держати будем и володети и а с божьею помочью и всими силами нашими размножати будем.

14. Також обецуем и слюбуем, иж в землях тых наших великого князьства земль, городов, мест а любо которых - колвек дедичьтв, у володение и в держание, а любо некоторыи вряды а любо чти, не маем дать в честь никоего чюжоземца, але только родичам тых земль наших предреченных Великого Княства Литовского дамо, и наши после будущии дадуть в держание и володенье.

А на свидетельство сего листа печать наша есть привешена. А деялося и дано через руце велемощного Михаила Кезкгайловича Здавилтовича, Великого Княства Литовского канцлера, в Вильни в день св. Жикгимонта в лето Божиа нарожения тисяча четыриста 57-е (?) [1447].

Писан руками Мартиновыма з Лужка, он жо то имел с приказу.