Прывілей Менску на Магдэбургскае права 1499 года
| Привилей месту Менскому, на право майдеборское и иные вольности Дакумэнт Аўтар: Аляксандр Ягелончык 14 сакавіка 1499 году Крыніца: МЕНСК.BY |
| Існуе таксама беларускі пераклад Вячаслава Чамярыцкага |
Прапануем да спампаваньня!
Во имя святыя нерозделимыя Троицы, амин. Кгды бы учинки людскіи, которые ж с прироженья своего кончаються, через твердости листов к вечности не приведены и слушным сведецтвом ко пришлого часу ведомости не были бы докончаны, сказила бы всякіи речи с часом старость; а для того высокіи княжата радою уставили: абы безрадством и невставичностью, речем, которые ж ся имуть напотом деяти, шкоды бы не было, уложили на то твердости листов, сведецтва укладаючи знамя, ижбы то было вечно. Про то, ко векуистой тое-то речи памяти, мы, Александр, Божьею милостью великій князь Литовскій, Рускій, Жомоитскій и иных, пан и дедич, чиним знаменито сим нашим листом, хто на него посмотрит, або чтучи его услышит, нынешним и потом будучим, кому будет потреба его ведати, иж маючи взгляд посполитого доброго розмноженья и хотечи положенье места нашого Менского в мере лепшой поставити, абы люди наши, там мешкаючыи, через вряд добрый а справедливый были розмножены, тое место нашо Менск с права Литовского и Руского и которое коли будет там перьво держано, в право Немецкое, которое зоветься Майтборское, переменяем на вечныи часы. Уставляем и даем им знову обычай, подлуг того права Майтборского зуполное ряженье и всю уставу, отдаляючи с того места вси права, уставы и обычаи перьво держаныи, которыи ж тое право Майтборское нагабають, засмучають, або перешкожають. А про то, подлуг того-то права Майтборского, в месте вышей речоном Менском войтовство знову уставляем, и тым нашим листом тое войтовство надаем, записуючи войтови нынешнему и всим потом на его местцу будучим третій пенезь ото всих судов и вин судовых; теж придаем к тому войтовству две клетки мясных с платом их, а иныи клетки и плат с них мает быти на ратушу, к пожитку местскому; також придаем в моц войтовскую две корчме вольных с платом их, с чотырма копами грошей.
Теж хотим, абы вси, в том реченном месте Менском мешкаючыи на котором-колвек местцу, права того Майтборского поживали и ему во всих речах повинни были и в каждом деле послушни; а тые люди вси выймуем от права городского и боярского, и отдаляем их и вечне вызволяем всих того места людей от судов и от моцей всих воевод и панов и старост, наместников, судей и всих врядников всего великого князьства Литовского, так, иж перед ними о которых колвек речах будут позваны, на праве не будут повинни стояти, а ни им отповедать. А естли з них хто кому будет чим виноват, мает им справедливость статися перед войтом их и бурмистры и радцы; а естли войт, а любо бурмистры будут видети ся несправедливыи, тогды о тую реч мають позвани быти перед нас самих и нам отповедати, которых же маем тым правом судити.
Теж вызволяем их от подвод, которыи ж посполито перед тым даивали: ино вже, напотом, на потребу нашу земскую только подводы мають давати, коли увидят подводный лист, з сыгнетом нашим запечатованый.Також вызволяем их от сторожи, которую ж к нашой потребе только мають давати. Теж, окром Вилневцов, ни один купец иного места не будет моцы мети инако куповати и продавати, только под тою мерою, в том листе на долу выписаною: наипервей, воски штукою, або по полуберковеску; соболи, куницы и тхоры по сороку; белку, горностая, ласицу и норыцу по полтретяста; попел и смолу лаштом, а того не мають куповати ни в лесех, а ни в борех, а ни в селех, только на месте. Теж мають продавати сукна поставом, соль лаштом; перец, имбер, микгдалы и иньшіи зелья простыи каменем, шафран, мушкаты, гвоздики, квет мушкатовый, кгалкган, цытвар и иншіи зелья дорожшіи фунтом; секиры, ножы и иншіи таковскіе речи тахром, або в тузин; железо, олово, медь, цыну, мосяж и иншіе речи таковскіе центнаром; фикги, розынки кошем; вино какое колвек и пиво Немецкое и иншое питье чужое бочкою целою; и тыи купцы чужые не будуть смети под меру меньшую а ни продавати, а ни куповати, только как у верху выписано, а естли бы который своею смелостью иначей вчинил, тогды тую куплю до коморы нашое войт за нас возмет. Допущаем теж в том месте нашом мети важницу, и теж капницу, и весь воск там же стопленый печатью их мають знаменовати, и с того ужитки к посполитому доброму мають ховати. Полецаем також войту и бурмистром на тот час будучим вси места пустыи в месте, и вкруг места поля наши к осаженью и розмноженью людей: нижли што пашня наша городовая, в тыи поля мещаном не вступатися. Даем теж доброволенство всим мещаном, подле давного обычаю, брати дерево, на будованье домов их и теж на кухню, в борех и в лесех, за три мили около местца, и в наших борех и в лесех и в пущах, окроме бортного дерева, которого ж рушить не смеють. Також где перед тым скот свой, быдло, они пасывали, и ныне доброволно им, без кождого нагабанья, там же паствити. Мають теж збудовати лазню посполитую, к пожитку местскому, где местцо оберуть подобное. И теж на местцу годном мають справити ратушу, под которою ж будуть мети крамницу, и клетки хлебные, и комору постригальную; и там же на ратуши мають мети бочку мерную и медницу з знаменем местским, с которых же речей вси ужитки войт и з бурмистры к местской оправе ховати будуть.
Мають теж быти в месте первореченном дванадцать радец, который ж радцы з войтом посполито мають обирати промежду себе на кождый год двух бурмистров, которых же руками обаполне з войтом посполство мает ряжено быти. Уставляем теж на вечныи часы, абы вышей мененое место в кождый год шестьдесят коп грошей, на Велик-день, до скарбу нашого без всякое вымовы нам давало. Хотим теж, ижбы тое место нашо цынш корчемный в кождый год, подле стародавного обычая, нам зуполна давало. Теж, коли положим серебщизну нашу, великую и малую, по всим городом нашим и местом и волостем, в нашом панстве великом князьстве: ино тое нашо место мает нам серебщизну давати, так как и иные нащ(ш)и места, без кождое вымовы.
Теж мыто нашо Менское и с промытою мають мытники наши держати, которым колвек продадим, во впокои, подле давного обычаю. Також дозволяем им, к местскому пожитку, млын збудовати на местцу подобном, на реце на Свислочи, а старого млыну, который же к замку прислухает, не мають опустити, абы плат его зуполна был. Також тому месту нашому Менскому даем и записуем и дозволяем зуполне тым ся правом Майтборским судити и рядити; а над все тое, болшое право собе зоставляем. А на тых всих речех, на сведецтво и лепшую моцность, печать наша к тому-то листу есть завешена. Сталося и дано у Вилни, у четверг шостое недели поста, месяца Марта 14, в день святого Бенедикта, лета Божьего тысеча чотыриста деветдесят девятого (1499). При том были, велебный, велможныи, урожоныи: князь Войтех, бискуп Виленскій; а воевода Кіевскій князь Дмитрей Путятич; а охмистр, наместник Кіевскій пан Войтко Янович; а маршалок, наместник Мойшак-гольскій и Дубиницкій, пан Бартош Таборович и иныи.