Раніца рыкае (1925)/Песьня/Ой-ты, хмелю!

← Эх, песьня!

Ой-ты, хмелю! Верш Аўтар: Язэп Пушча 1925 год

⁂ (Я ў песьні пра вёску трыбуню) →

Іншыя публікацыі гэтага твора: Ой-ты, хмелю!.. (Пушча).

Прапануем да спампаваньня!

ОЙ ТЫ, ХМЕЛЮ!..

Ой-ты, хмелю, мой буйны
заплятайся ў пахмельле поэм!
Я з табою сягоньня узбуйню,
што ня сьніў яшчэ ўчора поэт.

Я з табою сягоньня ня зганю
Беларусі натруджаны крок.
Я з табою дам вобразаў гаму, —
перальлецца ў іх зорамі зрок.

О, я веру, што радасьць паўдня
за кустом маіх песень ўсьміхнецца,
бо я першы, што сьмела падняў
золата раніцы з сьмецьця.

О, я веру, што рытмам зялёным
росасрыбны ўсказычу усход, —
ў ім заблудзіцца радасьці шолам
і сонца юнацкі паход.

Ўстрапяну я сябе маладога
ды так, што ніколі яшчэ ня было —
і з зарою лагчынаю-логам
пайду, дзе сьпявае быльлё.

Я пайду у сялянскія гумны,
там калісьці радзіўся поэт.
Ой-ты, хмель, галавы маёй буйнай
заплятайся ў пахмельле поэм!