Старонка:І залацісьцей і сталёвей (1926).pdf/24

Гэта старонка не была вычытаная

СКАРГА І КРЫЎДА…

Скарга і крыўда… Смутак і боль,
смутак і боль наўсьцяж.
Змоўкні ты, сэрца! І мы з табой
выйдзем з нізін жыцьця.

Шлях крамяністы сярод трывог,
шлях крамяністы скрозь.
Прадзед вятроў — буравей Стрыбог
вывятрыць сіньню скронь.

Сон залацісты сьлепіць скронь
пеніцца сінь над ракой…
Месяц! Вясёлкамі затрызвоць
ддя мяне і для васількоў.

Палкая радасьць і востры боль.
Цяжкі толькі пачын!..
Здолеем мы самоту з журбой,
здолеем перамагчы.