Гэта старонка была вычытаная
Панясуць у друкарню…
Там лоб свой наморшчыць,
Будзе рыцца у касе
Сьвінцовых слупкоў
І пад літарны строй
Аб‘яднае наборшчык
Гэты допіс мурзаты
Ад грэчных палёў.
Будуць доўга шумець у друкарні машыны,
Аддаваць доўгім вілам
Паперы абрус
І, нарэшце,
Апошні друкованы вынуць
І нататка пакончыць пакутны свой круг.
Позна ўвечары
Зоранькі кроплямі воску
І мігцяць,
І ласкочуць,
І шлюць свой прывет…
Прывязе лістаносец
У дальнюю вёску
І лістоў,
І паштовак,
І сьвежых газэт.
У газэтах
Сяльчане тады прачытаюць,
Што пра іх напісаў
Касавокі Тамаш…
