Гэта старонка не была вычытаная
Новае змаганьне,
Новы час —
Праца, будаваньне
Сёньня ў нас.
У гуртку вясёлым,
Завадзкім —
За знаёмым колам
Стаў Максім.
Ўспамінае здалек,
Плаўны плёск,
У зялёных хвалях —
Край нябёс.
Кажуць, што ўздыхаюць
Хвалі зноў…
Будзе зноў па краі
Ліцца кроў.
Хай на нас прыходзіць
Новы шквал —
Ён яшчэ ня згодзен
На прычал.
І ў апошнім рэйсе,
Повен сіл
Прыдзе зноў на крэйсэр
І Максім…
Варам адкіпела
Маладосьць…
— Старнавы, наперад.
— Ёсьць!
Сьнежань 1927.
|}
