Старонка:Агні (1930).pdf/54

Ў ім знайшоў я даўнія імкненьні,
Ўсё, што ў сэрцы
Стоеным жыло,
Што, нарэшце, з часам абуджэньня,
Нечаканым цьветам расьцьвіло.

І за гэта,
І за шмат нязнаных,
Неразгадных адчуваньняў сток, —
Дзякуй, дзякуй…
Шчырая пашана,
Мой каханы,
ціхі гарадок.

Ты ў гудкох працягла-надламаных,
У няўпынным рокаце слупоў
Пранясі ў вякі маю адданасьць
І маю адвечную любоў!..

1929 г.
м. Самацеевічы — г. Мсьціслаў.

|}