Старонка:Адраджэньне Беларусі і Польшча, ч.1.pdf/106

Губэрніі	Плошчадзь засева ў гэктарах.		Збор ў Q.
	лён.	канопля	лён.	канопля
1. Горадзенская	12,793	1,776	161,571	17,352
2. Віленская	22,827	—	236,550	—
3. Менская	24,349	5,540	322,489	54,348
4. Магілеўская	37,965	15,360	335,585	156,360
5. Вітэбская	56,889	1,471	336,360	13,587
Агулам	157,823	24,147	1,422,555	241,647

Прыймаючы пад увагу, што 52% польскай прамысловасьці, ёсьць прамысловасьць тэкстыльная і што да вайны гэтая прамысловасьць апрацоўвала амаль што выключна сырэц, прывожаны з Pacеі, можна сабе уявіць, якое выключнае значэньне ставіць сабой для польскага капіталу наш лён і пенька. Пры агульным падрахоўваньні, лік гэтага сырцу будзе заўсёды давольны, каб пакрыць патрэбу польскай тэкстыльнай індустрыі.

Разам з пастаўкай сырца, Беларусь зьяўляецца найбольш танным рынкам збыту польскага гатовага фабрыкату. У нормальны час каля 75% агульнага вывазу Каралеўства састаўляў вываз гатовага фабрыкату; з гэтага ліку — 9/10 вывазу йшло ў першую чаргу на Беларусь і Украіну. Вываз на захад — ў Нямеччыну і Аўстрыю — быў да вайны нікчэмны (1/10 ўсяго ліку!), а пасьля вайны ён будзе наагул немагчымы. Гэта мела месца таму, што польская прамысловасьць давала тые фабры-