Старонка:Барвенак (1924).pdf/212

ЗАВОД.

У бегу дзён я чую звон,
Машынны звон, стальны…
Магутны ён мой гоніць сон…
За ім яшчэ званы

Удаль бягуць, зьвіняць, гудуць,
Заводзяць роем пчол…
Ідуць, па очапах паўзуць
Раменьні навакол…

Між іх палос ёсьць шмат калёс,
Ад іх ізноў шнуры:
А тут насос у землю ўрос…
Мурашкі-жыхары

Скрозь дым і муць куюць, куюць
Жалеза і чыгун…
А печы дзьмуць — агнём плююць…
А стружкі нібы ўюн

Варштат грызе… Яна паўзе
З зубоў яго на дол…
Аж пот ідзе… Завод гудзе
Ўдалі ад ніў і сёх..

1922 г.