Гэта старонка была вычытаная
А помніш ты, як сьветларусы
Туман лажыўся на кусты,
І мы па мяккаму абрусу
Хадзілі ў вечар?
Помніш ты,
Як спала цёмная дуброва
І не шапталіся лісты,
А я табе,
Мой чорнабровы,
Сьпявала песьню? —
Помніш ты!..
У вішнёвым садзе
Ой, п‘яна
Кукавала зязюля
Ад рана.
На вішнёвай галінцы
Ў садочку,
Прылажыўшы галоўку
К лісточку.
А я маладая
Гуляла,
Ды ў шэрай зязюлі
Пытала:
