Старонка:Вершы (Трус, 1925).pdf/9

ЮНЫ ЗМАГАНЕЦ

I

Між балот над шырокай далінай —
Недалёка ад роднае вёскі,
Падымалася зноў страляніна,
Панаваў над палеткамі лёскат.

А ўдалі
за разлогім абшарам,
За гарою высока-пакатай
Ружавелі асеньнія хмары,
Уздыхалі павольна гарматы…

І каціліся водгукі глуха
Па грудзёх срэбраводнага Нёмну;
Пела песьні свае завіруха,
Адбівалася ў сэрцы агнём.

Беларусь убінтоўвала раны,
Беларусь спавівалі пажары.
Апускаліся рукі на пана,
Ня стрымоўвала помсты душа!

Гэта йшло за свабоду змаганьне,
Папялела мінулае з дымам, —
Каб на вогнішчы буры-паўстаньня
Красаваўся узрост малады.