|
Наперад мы ідзем
Аркестры б‘юць да сонца
У ходзе нашым — гарт,
У сэрцах нашых — вера.
Дзьвіною бураломаў,
Як-бы вясеньні шум…
Бясконца,
Наперад, гэй наперад!
Ці можа што ўстаяць
Прад бурай неўгамоннай,
Як валы акіян сваёю сілай мераць?
Мы — бура!
Мы — тайфун!
Мы — міліённы бунт!
Разгонна,
Наперад, гэй наперад!
Туды, дзе рвуцца путы
У звоне барацьбы,
Дзе крышацца лясы зімовых паняверак,
Руністы веснаход ламае ланцугі…
Бясспынна,
Наперад, гэй наперад!
1928 г.
|
