Гэта старонка не была вычытаная
Там гутарку вядзе.
У тым бары
Ня першы год
Блукае сьмерць і жах.
Туды панёс,
Панёс народ
І помсту за пажар.
Засьні, сынок,
Засьні, каток,
Засьні!…
............
Паволі гасьне сонная сьвяча,
А за сьцяною з тонкае фанэры
На нейкі сход сышліся афіцэры,
Сышліся штось такое вырашаць.
Комэндант
Панове, сядайце, панове,
Даволі спрачацца і ныць…
На сёнешнім сходзе, панове,
Пілсудзкага ёсьць прадстаўнік.
Ён кажа, трымацца, трымацца,
Ні кроку, панове, назад…
А тут замаўчалі гарматы, —
Учора узорваны склад,
І пуць на палову адсечан, —
Ўзарвалі масты на рацэ…
Між іншым, ёсьць пэўныя весткі,
Што склад узарваў афіцэр.
