Гэта старонка не была вычытаная
У палацы пеніла віно,
У палацы плакалі гітары…
Неяк дзіка месяц за вакном
Дагараў, — бы дымная сігара…
Хто там?!.
Хто там?!.
Хто там, адкажы!?.
Хто там ходзіць, —
Блудзіць за сьцянамі?!.
Хто там точыць вострыя нажы?..
Адкажы!
Ці то здані там,
Ці міражы?
…Зарасьлі дарогі туманамі…
Цемра!..
Ноч!..
І слота,
І жуда!..
Неяк дзіка чокаюць бокалы…
Раптам:
— Стой!..
— Страляем!..
— Стой!
— Брыда!..
— Стой!
— А то ня будзе міла!..
............
