Старонка:Ветры буйныя (1927).pdf/13

ОЙ, ПАЙДУ…

Ой, пайду ў далячынь за сяло, —
Там, дзе жыта шуміць на паўмежку,
Там, дзе ў вішнях сяло расьцьвіло,
Завіваюцца кветкамі сьцежкі.

Падзіўлюся, як жнеі пяюць,
Засьпяваю і сам пра раздольле.
Ветры буйныя песьню маю
Разьнясуць па шырокаму полю!..

Ветры буйныя песьню вясны
Разьнясуць па зялёнай даліне.
Будзе гай на гары гаманіць,
Будзе плакаць у лузе каліна.