Старонка:Ветры буйныя (1927).pdf/9

Гэта старонка не была вычытаная

ПРАЙДУ ШЛЯХІ…

Прайду шляхі, шляхі ў завеях
І сьцежкі кветкамі спаўю!..
Хай ветры буйныя разьвеюць
У песьнях моладасьць маю!..

Як ветры буйныя з-за гаю
Ў прасторах думы разьнясуць —
Тады я ўсё, што ў сэрцы маю,
Аддам за жыцьце і красу!..

Аддам усё, чым сэрца плача,
Дастану сэрца й падару,
Бо я людзей яшчэ ня бачыў,
Каб так любілі Беларусь!