Старонка:Выбраныя вершы (Хадыка, 1932).pdf/23

ПАХОДНЫМ СЬПЕВАМ

Калі гадзюка ў грудзі ўлезе,
Халодным джалам сэрца строміць, —
Жыцьцё муштрую я гарэзьней,
Шукаю ворага у доме.

Уроўнь з высокімі мурамі,
Я мкну, абвесьнены, па бруку.
Находзяць згадкі, каб (часамі)
У зрок абурана пастукаць.

Настрой бруістых слоў наедзе —
У аздобе фарб, на цьвёрдай зычнай,
Каб на вытворчай быць бяседзе
Ударным нумарам музычным.

Увесь ўзнервованы да костак.
Я націскаю пэўны клявіш…
І ноч, аблітая пакостам,
Крычыць, калі яе аблаеш,

Прыгладжаныя фарбай морды,
Глядзяць, як лялькі з магазыну.
Таропкасьць гам кідаюць форды
І спецыфічны пах бэнзыну.