Старонка:Вянок (1913).pdf/82

* * *

…passe sans laisser mēme
Son ombre sur le mur.
V. Hugo^[1].

Жывеш ня вечна, чэлавек, —
Перажыві-ж у момэнт век!

Каб хвалювалося жыцьцё,
Каб больш разгону ў ім было,
Каб цераз край душы чуцьцё
Не раз, не два пайшло!

Жыві і цэльнасьці шукай,
Аб шыраце духоўнай дбай.

І ў напружэньні паўнаты
Свайго шырокаго жыцьця
Бяз болю, ціха зойдзеш ты
Ў краіну забыцьця.

1. Па-беларуску (Вікікрыніцы ):
   …праходзіць, не пакідаючы нават
   Свайго ценю на сьцяне.
   В. Гюго.