Гэта старонка не была вычытаная
Атынгаўзен.
А крэпасці магутныя ў краіне?
Мельхталь.
Яны падуць у той жа самы дзень.
Атынгаўзен.
А рыцары таксама у саюзе?
Штаўффахер.
Нам пажадана дапамога іх;
Але сяляне толькі прысягалі.
Атынгаўзен (паволі ўздымаецца ў страшэнным
здзіўленні).
здзіўленні).
Ўстаў селянін на гэтакую справу,
Сам па сабе без дапамогі панства
Упэўнены ў сілах ён сваіх —
Так, ён цяпер абыйдзецца без нас,
Мы можам супакоіцца ў магіле.
І будзе пасля нас другая сіла
Ўсю веліч чалавецтва уздымаць.
(Ён кладзе руку на галаву хлопчыка, які стаіць перад
ім на каленях).
ім на каленях).
З той галавы, дзе яблыка ляжала,
Свабода новая для вас узыйдзе.
Старое згіне, іншы час настане,
І новае жыццё з руінаў выйдзе.
Штаўффахер (да Вальтэра Фюрста).
Глядзіце, які бляск ідзе з вачэй!
О, гэта не канец, не разбурэнне,
А бляск другога, светлага жыцця.
