Гэта старонка не была вычытаная
Нікога Тэль не кінуў без уцехі.
Усё, што здолею — зраблю.
Парыцыда (усхопліваецца і жвава хапае яго руку).
О, Тэль!
Вы з роспачы ратуеце мне душу.
Тэль.
Пакіньце рукі. Трэба йсці адгэтуль,
Тут нельга жыць схаваўшыся, адкрыта-ж
Вас бараніць не буду. Дзе цяпер
Спакой знайсці мяркуеце?
Парыцыда.
Не знаю.
Тэль.
Вось што мне бог у сэрца ўклаў. Ідзіце
Ў Італію, ў Петра святога горад
І там вы прыпадзіце да ног папы,
Хай ён вам зніме цяжкі грэх з душы.
Парыцыда.
А што, калі мяне ён выдасць мсціўцам?
Тэль.
Прыміце ўсё, што бог вам ні пашле
Парыцыда.
Як я пайду ў нязнаную зямлю?
Не ведаю дарогі я; баюся
Да іншых падарожных далучацца.
Тэль.
Я раскажу, як вам ісці, заўважце!
Ідзіце ўсё наверх, насупраць Рэйсы,
Што плынню дзікаю спадае з гор…
