Гэта старонка не была вычытаная
Баўмгартэн.
Раней ратуйце, раскажу усё потым.
Верні.
Вы у крыві, што здарылася з вамі?
Баўмгартэн.
Імперскі фогт, што ў Росбергу сядзеў…
Куоні.
Як? Вольфеншысен? Ён цябе сцігуе?
Баўмгартэн.
Не будзе шкодзіць ён. Яго забіў я.
Усе (адступаюць назад).
Вялікі божа! Што зрабілі вы?
Баўмгартэн.
Што-б кожны вольны чалавек зрабіў.
За ганьбу я сваю яму памсціўся,
За гвалт над домам, за знявагу жонкі.
Куоні.
Дык значыць фогт зняважыў гонар ваш?
Баўмгартэн.
Што ён не споўніў злосны свой намер,
Ў тым вінен бог, дый шчэ мая сякера.
Верні.
Скрышылі вы яму сякерай чэрап?
Куоні.
Ой, раскажыце, часу яшчэ шмат,
Пакуль ад берагу ён човен свой адвяжа.
Баўмгартэн.
Я дровы сек у лесе, да мяне
Прыбегла жонка у смяротным страху.
