Гэта старонка не была вычытаная
„Што-ж бачым? На розныя кшталты
„Учынкі глухой барацьбы.
„І яўныя зьдзекі і гвалты,
„І зноў і паны і рабы!..
„Навошта вам гэтыя крэсы?
„Навошта чужы калідор?
„Нам іншыя трэба протэсы,
„Каб Плльшча жыла, як узор!
„За Польшчу паляк чырванее.
„Сумленны, вядома, паляк;
„Сіл колькі прыгодных марнее!
„Ды што ім? — Скачы кракавяк!
„А гэты тут люд нешчасьлівы?
„Што ім мы ад брацтва даём?
„Крывавай культуры палівы!
„Бяспраўя і сьлёз вадаём!“
І сум агарнае Вацлава,
Як цень ад рукі уначы.
„О Польшча, о Кракаў, Варшава!
„Чым ім — сабе памагчы!“
