Гэта старонка не была вычытаная
∗
∗ ∗ |
Туды мае думкі бягуць, нібы хвалі,
Ня можна ніяк сустрымаць,
О, божа мой мілы, зусім ты бяз жалю,
Нашто нас было разлучаць?
∗
∗ ∗ |
Каб ведаў ты толькі, як край свой кахаю,
Як міл ён для сэрца майго, —
Заўсёды я думкай ў тым краі вітаю,
Я толькі жыву ля яго.
∗
∗ ∗ |
Край родны, край сумны, — крыжоў і балотаў,
Ці хутка спаткаюся з ім,
Ці хутка пачую я песьню чаротаў
Над сонным балотам тваім.
Кузьнецк, Сар. губ. 1917 г.
|}
