Старонка:Завіруха (1929).pdf/76

НОВЫ АЛІМП

Чуць заціхлі гулянкі і сьпевы
Алімпійскіх бясстыжых багоў,
Як мінулае бачым мы зноў…
І зноў чуем старыя напевы.

∗
∗     ∗

Тых багоў зьніклі чорныя цені,
Якім шмат прынасілі ахвяр…
Над Алімпам пранёсься пажар,
Дзе мы падалі ніц на калені.

∗
∗     ∗

Але бачым Алімп ужо новы,
На ім гульні багоў і багінь…
Дык сьвет крыўды і зьдзеку — загінь,
Будзь зруйнованы ты да асновы.

∗
∗     ∗

Не затым лепшы сьвет збудавалі,
Каб паверыць чаруючым снам,
І зноў кланяцца новым багам,
Якіх самі калісь разьбівалі.