Старонка:Зорным шляхам (1932).pdf/60

Гэта старонка была вычытаная

МУЗЫКА.

Ўзьняліся лёгкакрылыя птушкі… шыбаюць у высь… Над сонечным полем…
Зазьвінелі…
Залацяцца іх крыльлі пад сонцам… у сінім, крыштальным прасторы… далёка… далёка… зьвіняць…
Узьляцелі палахлівымі ўзмахамі… пудкія, шыбкія птушкі…

Дрэмле маліцьвенна лес…
Пявуча-салодка шумяць сосны…
Праз вецьце залацяцца зоры… мігцяць…
Ціха, ціха праз сон шапацяць хвоі…
Шум баравы…
У возеры — люстры купаецца месяц —
Срэбрыста іскрыцца
А зоры пылаюць… пылаюць… дрыжаць… заміраюць… мігцяць… Маліцьвенны лес…