Гэта старонка не была вычытаная
VIII
Сьняжок на прадвесьні
Буркоча, бяжыць, —
Зацьвіўшае плесьняй
Ня здолее жыць.
Дарма свае сілы
Зьбірае зіма, —
У друзгах няміла
„Народаў турма“.
Пракляцьце, „Расея“
Прапала навек.
Ня страшыць завея
Бліскучых павек.
К трывогам зьнявага,
Разьдзёрта імгла.
І творчасьці смага
Агнём праняла.
Шырокаю тропай
У час гэты з спакус
На мапу Эўропы
Ўзышоў Беларус.
