Гэта старонка не была вычытаная
мити хлебъ. Лечь не пишеть, абы тое было в неделю, але яко бы в некоторую суботу. Павла теже Апостола речь трудна къ вырозуменью. Бо не рече: "Полагай каждый в неделю у себе милостину", але рече: "По единой от суботъ". Яко тое розумети маю?
ОТКАЗЪ
Нетъ в сихъ словехъ никакое трудности, кто ся Писму Святому припатрити хочеть. Ведомо бо маеть быти, яко Апостоли и Евангелисты, ачь языкомъ гречьскым писали, лечь пред ся обычай мовы еврейское заховали. Евреане пакъ не потому дни звали, яко мы теперь зовемъ, ани по тому, яко на онъ часъ греки звали, ани ся годило тако Апостоломъ звати.
Бо греки, або еллини, будучи погане, многых боговъ быти
