Узнікла праблема ў вычытцы гэтай старонкі
мофей, о якой чти говорить, и рече: "Глаголеть бо Писание: "Вола верхушча не оборотиши" и "Достоінъ делател мзды своея".
Естли бы не датокъ зде честию звалъ Павелъ, а нашто бы о воле молотяшчом писмо приводилъ, которого "оборотити" заказуеть? (То ест въ обрет внуздати, абы не елъ). Нашто бы Слово Хрістово припоминал о делателю, яко достоин мзды або заплаты своея?
А такъ надобе тое паметовати а родителем не только словом, поклоном а шапкою честь чинити, але сее чинячи, оного, на чим большей належить, не опушчати.
ПЫТАНЬЕ
Буду вже розумети, яко ся чтити годить родители, але ми ешче скажи, кого зде Богъ отцомъ и маткою называеть, естли только родителей, от которих тело имаемъ?
