Гэта старонка не была вычытаная
Говори осмое слово Божіихъ заповедей.
ОТКАЗЪ
Осмое слово естъ "Не оукрадеши".
ПЫТАНЬЕ
Яко тое розумети маю? Чого нам зде боронить Богъ?
ОТКАЗЪ
Хочеть Богъ, абы каждый человекъ маетность свою мелъ у моцы своей. А одинъ у друга абы хитростию, здрадою, пеняньемъ и коемъ ли иным обычаемъ не бралъ. Опять, и тое ся тут же замыкаеть, абыхмо часу потребы ближному нашему маетности наших уделяти не жаловали. Бо на том мало, естли бы кто чужого не бралъ, а своего бы убогому не узычалъ.
Обе речи маеть хрістианинъ заховати: напервей - абы чужого не хотелъ, а другаа речь - абы своее
