Дзьмітры Іванавічы (1361–1389), якое захавалася ў „Кроніках в. кн. Літоўскага, Рускага і Жомойтскага“. Друкуем паводле сьпіску Евреінаўскага і Быхаўца (ў злучанай рэдакціі):
[И въ тыи часы кнзь][1] великиі Олкирдъ Кгидимонтович Литовскиі [и Руский] исправляючи урядно гсдрьство свое не мало время гсдрствовал в великом княжствѣ Литовском [и] был в [до]кончанию и в доброи приѣзни с великим кнзем Димитриемъ Ивановичем Московским. Тои же кнзь великиі Димитреи Ивановичь, без всякие вины оставил докончалую приѣзнь прислал к великому кнзю Олкгирду посла своег[о] с ызвѣтом и прислал к нему огонь да саблю (даючи ему вѣдати што[2] буду в земли твоеи по краснои вѣсне и по тихому лѣту. И князь великиі Олкгирд вынял из огнива губку а[3] кремень и запаливъ губку далъ послу и рекъ [так]: даи то гсдрю своему і скажи ему што у нас в Литвѣ огонь е. Же онъ извѣчает мнѣ хотячи в моеи землѣ быти по краснои вѣсне і по тихому лѣту, а [я дасть Бог] у него буду на велик день и поцелую его красным яицом, [через щит] сулицою, а з Бжиею помощию къ городу [его] Москвѣ копие свое прислоню [Бо] не то воин[4], што [часу подобного валчит, але то валечник, коли непогода валки тогды над непрыятелем своим неприязни доводит][5]. И отпустивши посла и собрал воиско свое Литовское и Руское и пошел из Витепска просто [ку Москвѣ] и на самыі велик днь рано кнзь великиі с князи и з боляры [от заутрени] шол из цркви, а кнзь великиі Олкгирдъ со всѣми [силами] своими [роспустивши хоругви своі] показался под Москвою на Поклоной горѣ. Кнзь великиі Димитреи Ивановичь Московски [впаде в страх велик и ужасеся видячи великого кнзя Олкгирда з великою силою его, иж пришол на него так моцне а силне] подле слова своего.[6] И не мог (учы)ему ни единаг опору вчинити, послал к нему [просячи и великии дары ему обецаючы] дабы его из вотчины его с Москвы не выгнал и гнѣвъ свои отпустил и взял
- ↑ Усюды ўзятае ў квадратныя скобкі дапоўнена са сьпіску Быхаўца.
- ↑ У сьп. Евреінаўскім: „извѣщая ему ведай то“.
- ↑ У Евр. сьп.: „да“.
- ↑ У Сьп. Быхаўца: „валечнік“.
- ↑ У Евр. сьп.: „что времени подобного воюет, но то воин когда не во время воины над неприятелемъ своим неприездни доводит“.
- ↑ У Евр. сьп. іншая рэдакція: „што Олкгирдь подле слова своего стоит силно и силно пришел“.
