СКИНУВШИ. „…и, того скинувши войта, иньшого уставити“. (Устава на волоки, 1557 г., бал. 340).
СКОГЛИТИ. „Skupawsiab ieś Nieglennej, zabywsieb skohliti, a z Saska po hreczesku dumno hłaholiti“. (Sieńko Nalewayko, сатыра ХVІІ ст., бал. 561).
СКОШТУЙЖЕ. „А не вѣришь ли тому, скоштуйже того“. (Уния… 1595 г., бал. 455).
СКРИНЪКИ. „…зъ скринъки братское водле преможеня братского подпоможенье чинено будетъ“. (Статут, бал. 446).
СКУТЕЧНѢ. „Пытати у нихъ, естли скутечнѣ (рас.: „успѣшно“) могутъ зъ вами, а потомъ зъ нами зъѣхавшися гдѣ, часу певного, на мѣстце певное устнѣ о тыхъ рѣчахъ безъ выразной пленипотенцыи отъ братствъ своихъ зноситися“. (Наказ ад Новагорадзкага сабору, 1624 г., бал. 539). „Того посельства моего сами скутки (рас.: „успѣхи“) узнавайте, прошу“. (Справа отца Никифора, 1597 г., бал. 475). „…и тыи суть два скутки (рас.: „успѣхи“) науки, в которой и я працуючи разумелемъ за рѣчы пилно потребную“. (Грамматіка словенска, 1595 г., бал. 464).
СЛИЗКОМЪ. „…ноги зась якъ на слизкомъ и непевномъ ступени держалисе“. (Гисторія о Варлааме и Іоасафе, 1637 г., бал. 554).
СЛИЧНОСТИ. „…щасливи которые въ невымовной сличности (рас.: „прелести“) и оздобе твоей ся кохаютъ“. (Казанье двое ХVІІ ст., бал. 516).
СЛОВОУТНОГО. „С того мѣста был есть един моу(ж) родомъ, емоу(ж) имя было таоудалъ, родоу словоутного (=слаўнага) але велми недобрыхъ справъ“. (Книга о Таоудале рыцери ХVІ ст., бал. 378).
СЛУШНАЯ. „Слушная (=справядлівая; рас.: „надлежащая“) бо речь есть, абы вши Княжацские мл(с)ти того народу язык миловати рачили, въ которомъ давъные предъки и ихъ Княжацские м(л)сти панове отци вашихъ Княжецскихъ м(л)сти славне пре(д)нейшие преложеньства несуть“. (Катихисисъ 1562 г., бал. 384). „…абы тые за неучъстивые справы свои слушное каранье, а цнотливые пристойную заплату относили“. (Статут 1588 г., бал. 439). „Тую землю держимъ за слушною причиною“. (Судовы ліст в. кн. Вітаўта 1420 г., б. 149). „…и иные слушные поплатки, къ пожитку нашому и земскому“. (Привилей 1511 г., бал. 277). „…слушноѣ причины не знашли, не тылько за штобы смерть ноднять былъ годенъ, але и затрыманымъ быть слушнѣ не показалося“. (Справа отца Никифора, 1597 г., бал. 476).
СЛЫТЬ. „Ваша слава слыть будетъ, покуль станетъ света“. (Хронологія 1561 г., бал. 428). „А коли бы дотуль Вашмость писаромъ былъ, то бы человѣкомъ слылъ“. (Ліст Комуніякі да Абуховіча, 1655 г., бал. 575). „…а што в немъ внутры ревутъ, то слава его будет слынути на весь свѣт“. (Лѣтописецъ, бал. 212).
СЛЮБИЛЪ. „А какъ Гарманъ вашъ намъ слюбилъ (=шлюбаваў, прысягаў) и руку далъ, што нашимъ купцомъ Полочаномъ за море путь чистъ“. (Ліст ХV ст., бал. 159). „…такежъ обѣцюемъ и слюбуем (=прысягаем) ижъ въ земляхъ тыхъ нашыхъ великого князьства земль, городовъ, мѣстъ, а либо которыхъ-кольвекъ дѣдичствъ у володѣніе и въ дерьжаніе, а либо нѣкоторыи вряды, а любо чьти не имамъ дать жадному чужоземцу, але только родичамъ тыхъ земль нашыхъ предреченыхъ великого князьства Литовского“. (Прывілей в. кн. Казіміра 1457 г., бал. 162).
СМОКА. „А за тымъ позрѣвши въ глубокій ровъ, страшного смока обачылъ“. (Гисторія о Варлааме и Іоасафе, 1637 г., бал. 554).
