Ён робіць тое самае, што мы робім, калі нам гавораць голасна над самым вухам: мы адайдзем і тады здалёк толькі разьбярэм, што кажуць. Або калі вельмі блізка ад нас тое, што мы разглядаем, — мы адхілімся і тады разгледзім.
Сабакі пазнаюць адзін аднаго і даюць адзін аднаму знакі па паху.
Яшчэ танчэйшы нюх у кузулек. Пчала проста ляціць на тую краску, якая ёй патрэбна; чарвяк паўзе да свайго лістка, блашчыца, блыха, камар чуе чалавека за сотні тысяч блашчыцыных шагоў.
Калі малыя частачкі тыя, якія адлучаюцца ад матэрыі і пападаюць у наш нос, то як-жа малыя павінны быць частачкі тыя, якія пападаюць у нюх казуляк.
ВОШЧУП і ЗРОК
Запляці паказальны палец з сярэднім і заплеценымі пальцамі дакранайся да маленечкае кулькі так, каб яна пачулася паміж абодвух пальцаў, а сам заплюшч вочы. Табе здаецца што дзьве кулькі. Расплюшч вочы, — убачыш, што адна кулька. Пальцы ашукалі, а вочы паправілі.
Паглядзі (лепш за ўсё збоку) на добрае чыстае люстра: табе здаецца, што гэта — вакно або дзьверы і што там, ззаду, нешта ёсьць. Абмацай пальцам, — убачыш, што гэта люстра. Вочы ашукалі, а пальцы паправілі.
ШАУКАВІЧНЫ ЧАРВЯК
У мяне былі старыя тутавыя дрэвы ў садзе. Яшчэ дзед мой пасадзіў іх. Мне далі ўвосень.