„Дарма ты, Воўча, у пыле ходзіш: вочы забаляць.“
А Воўк кажа:
„Вось-жа й бяда, сабачанька, што ў мяне ўжо даўно вочы баляць, а кажуць, што ад авечае стады пыл добра вочы вылечвае.“
МЫШ ПАД СЬВІРНАМ.
Жыла адна Мыш пад сьвірнам. Ў падлозе сьвірна была дзірачка, і збожжа сыпалася ў дзірачку. Мышы жыцьцё было добрае, але яна захацела пахваліцца сваім жыцьцём. Прагрызла большую дзірку і паклікала іншых мышэй.
„Хадзеце, — кажа, — да мяне гуляць, корму на ўсіх хопіць.“ Калі яна прывяла мышы, дык убачыла, што дзіркі зусім ня было. Мужык заўважыў вялікую дзіру ў пазлозе і закалаціў яе.
НАЙЛЕПШЫЯ ГРУШЫ.
Адзін пан паслаў слугу купіць самых смачных грушаў. Слуга прыйшоў у краму і спытаўся грушаў. Купец падаў яму; апе слуга сказаў:
„Не, дай мне найлепшых“.
Купец сказаў:
„Пакаштуй адну: ты ўбачыш, што яна смачная.“
„Як я даведаюся, — сказаў слуга, — што яны ўсе смачныя, калі пакаштую толькі аднае?“
Ён адкусіў пакрысе ад кожнае грушы і прынёс пану. Тады пан прагнаў яго.
