Старонка:Лукішкі (1929).pdf/74

ДА ПАНОЎ СУДЗЬДЗЯЎ

Грамадаўцу Ф. Акінчыцу прысьвячаю.

О, служкі-найміты даляра!
Дарэмны вашыя патугі.
Вам ня стрымаць народны стругі,
Дзе Нёман, Днепр, Вяльля і Шчара.

Народ устаў, ўстрапянуўся,
Як волат, спаўшы цяжкім сном.
Арліным вокам азірнуўся,
Ўзмахнуў крылом…

Паны!

Вам не вярнуць часоў прыгону,
Ужо зьмяніўся шмат мужык, —
Пазнаў газэту і цягнік.
І чуць ня хоча путаў звону.