Старонка:Лукішкі (1929).pdf/76

Народу, нёсшага ярмо,
Вам млосна бачыць адраджэньне,
Парыў да творства і натхненьне
Сарваць нявольніцтва кляймо.

Вам цяжка з праўдай пагадзіцца,
Што вольным можа быць народ;
Што можа сьвет з людзьмі зьмяніцца
Жыцьця, падзеяў вечны ход.

Крывёю плачце, ды дарэмна,
Вам не вярнуць мінулых дзён.
Дзе колькі год было йшчэ цёмна,
Там сонца пырскае з вакон.

Лукішкі.
8-X—27 г.

|}