Старонка:Маладая Беларусь (1912—1913). Сшытак 2.pdf/92

5. Čylikajuć łastaŭki…

Čylikajuć łastaŭki, ŭ wyraj leciać, —
Tak strašnaju ściuża la ich…
Čamu twaje wočy tak sumna hladziać,
Čamu nienawidziš ty ŭsich?

Ty, musić, škaduješ čaho — i maŭčyš,
Ci što mó zhubiła kali,
I chodziš — nia chodziš, staiš — nie staiš
Na hetaj nialubaj ziamli.

Kruhom ciabie ludzie żywyje widny, —
To jduć, to biahuć, ŭsio śpiešać,
I ŭsie, jak adzin, tak wiasioły jany,
Ŭsie wiasioła hetak hladziać.

A ty u baku, u baku ad usich
Skaży, darahaja, čamu?
Niaŭżo ty ciarpiš tak adna dziela ŭsich,
Strečajučy złuju zimu?..

---

6. Na čużoj staranie…

Na čużoj staranie nudna mnie,
Darahaja!
Nichto hora majho
Tut nie znaje.

Ja żywu sirotoj, sam saboj
Adzinokim,
Tolki z dumkaj ab tym
Niedalokim