Гэта старонка не была вычытаная
Шыюць тут для працоўных адзеньне,
Для штодзеннага іх жыцьця;
Тут, у швальні, ўсіх прац завяршэньне,
Тут для працы новай куцьця.
Праца тых, хто араў голы, босы,
Хто палоў, потым праў хто лён,
Грукатаў хто паставамі кросен, —
Набывае ўжо новы плён.
Гэты плён — усіх працоўных здабытак,
І загэтым ён — важны дар:
Хто раней быў бядою прыбіты,
Цяпер стаў сам сабе гаспадар.
Вось загэтым, хоць праца цяжкая,
А удубальт пасьпешна ідзе;
Зык машын на мамэнт не змаўкае,
І ў ім чуецца шмат надзей.
Вось загэтым кладуцца так роўна
Швы за швамі ў пекны узор,
Вось загэтым так песьня чароўна
Льлецца з раньніх да змрочных зор…
|}
