Гэта старонка не была вычытаная
Таварыш, будзь-жа пільны,
Святыя рубяжы
Вялікае краіны
Адважна беражы!
Табе надалі права
Стаяць на варце дзён
Радзіма гордай славы
І сталінскі закон.
Таварыш, будзь-жа пільны,
Святыя рубяжы
Вялікае краіны
Адважна беражы!
1937 г.
II
Ад зорак вячэрніх
Да ранняй зарніцы,
Калі непагоды гудуць,
Праз цэлую ноч
Да заходняй граніцы
За думамі думы лятуць.
Там — сын, там — каханы,
Там — брат і таварыш
На варце краіны стаяць.
Над імі — завеі
І чорныя хмары,
Над імі вятры шалясцяць.
