намовъ слухаете и послушеньство имъ небачне отдаете? Не хотечи старыхъ и правовѣръныхъ слухать, блудныхь слухаете: слушнымъ скараньемь Божимъ, кгды правъды не приймуючи, ѳалшомъ вѣру даете. Великие зъ нихь маете приятелы, которые вамъ въ самомъ Новъгородскомъ воеводъстве (и въ митрополии), яко вѣдомость есть, шесть сотъ и пятдесять церквей и службу Божую въ нихъ спустошили! Где отъ шести сотъ и далей домовъ шляхетскихъ релии Греческое ледве шеснадцать альбо штось меньшъ зостало, которые геретицкое новокръщенъское заразы ушли! Теперь се сынами вашими и послушъники зовутъ. Але коли ихъ спытаете, яко вѣратъ, где се споведаютъ и сакрамента приймуютъ, зубы вамъ волчые укажутъ, и до конъца васъ и овъцы ваши роспорошатъ. О, слепото ваша! Тымъ есте прихилнейшие, которые васъ и веру вашу и церкви ваши губятъ; а одъ тыхъ утекаете, которые вамъ всего въцѣле доховать и оборону спольное помочи дать оѳеруютъ!
«Лечь и васъ, цное рыцеръство, жалуемъ, ижъ такъ великий грехъ свой противъ Богу и помазанцу Его пополняете, непослушенъствомъ се ку Пану Богу мажете, ростырки межи братею сѣете, згоде и милости неприятельми се быть показуете, о правъде и дорогахъ збавенныхъ пытатсе не хочете, духовными своими горъдите, съборы розърываете, на короля и манъдаты его не дбаете!! Яко то маетъ быть отпущоно?! Певне Панъ Богъ на васъ помъсту вложить; а, Боже, бы не такую, въ которой и мы въ грехахъ вашихъ увикланые зостанемъ. Лечь се освет-
