и зъ урядовъ складати, чым, ся тамъ прехваляють? Бо хотяжь бы такъ было, яко они поведають, ижъ митрополить и владыкове были подъ владзою патрыархи Костентинопольского, ведже на тотъ часъ вакова[ла] столица Костентинопольс[кая]. Бо Е[реміяшъ патријарха добре предъ тымъ часомъ умеръ, [и не было [на] тоть часъ патрыархи (власного) Костентинопольского]. А хотяжъ быль Турьчынъ [далъ патриар]шество неякому Карыкови, але ему свое[жъ Грекове] послужили и струли его. А хто того былъ пр[ычи]ною? пытайсе толко, доведаетеся! «Бо нетъ ничого такъ таемного, яко Христосъ мовить, абы напотомъ не мело быти явно». Обачыте, иж хтось старшый зъ духовныхъ до того ся причынилъ, зычечы собе (того [(28) местьца). А по смерти того, дано было (патриаршество) неякомусь Матеееви, митрополитови Аниянскому; але и тотъ (сперву) не хотелъ имъ быти, и покинувши, отъехалъ былъ до своее митрополии. А причина того была (не инъшая), (одно) ижъ не могъ такъ великого долгу заплатити Турчынови и инымъ, который былъ наволокъ на церъковъ панъ Никифоръ протосинъгель, (судья вашъ старшый, которымъ ся . . . . . . . . . . . . . соборе Берестейскомъ). А хотяжь тою [столицою справовалъ до часу Меленьтей, патриарха А[лександр]ейский, однак, не былъ власнымъ па[триархою Костенти]нопольскимъ. А такъ тая столица [въ тые часы (въ тыхъ отугицахъ) ваковала, и власне [яко] интеррекгнумъ на онъ часъ было.
Нехайже покажуть тые велебные судьи, а звлаща Никифоръ: отъ кого
