Гэта старонка не была вычытаная
III
Гарматны гром кругом, —
Дрыжыць душа зямлі.
Гранатны бой-агонь
Акопнікі ўзьнялі.
Колёны йдуць, ідуць…
Куды і што сустрэць?
Ў вачох, і страх, і жудзь;
Цалуюць вусны сьмерць.
Заліт абшар крывёй
Гарачых сэрца ран.
Пуцінаю крывой
Ідзе людзкая рань.
Сягоньня на палёх
Расстрэл рыхтуюць ёй.
З гарматных горнаў-лёх
Агонь зіхціць зьмяёй.
У зарыве прастор;
Плянэта ўся гарыць.
Ідзе за строем строй
Усхонамі гары.
