Гэта старонка не была вычытаная
Ўвесь дзень і ноч усю
Цябе я зваць і клікаць буду,
Хоць, ведаю, касу
Не расплятуць прадаўцы—юды.
Ты выйдзеш да мяне,
На рысы твару ўнікла глянеш.
Мой ціхі сум міне,
Разьвеецца ў вятрох ільняных.
Нэрвовы непакой
Ў суставах курчыцца каляных;
Дрыжачаю рукой
Ірву агідную рэкляму.
Вачмі сьвідрую рух, —
Ў ім скарб нязгублены шукаю,
Ў сузмрочную пару
Ліхтарні рот бяззубы скаляць.
Пад імі моўчкі ям
Ўступаю на квартал цэнтральны.
Вунь постаць нейчая
Дрыжыць на пляцы тэатральным.
Юнацкія гады
Ў баях на фронце ўсе знасілі…
Хутчэй пайду туды, —
Магнэсавая цягне сіла.
