Гэта старонка не была вычытаная
Вы тут перада мною
Нядаўна прысягнулі;
Я веру, — не з маною-ж
Зайшлі сюды вы з вуліц.
Прысягу — абяцаньне
З вас зьдзейсьніць кожны, кожны.
Пагодны дзень настане,
Мы выйдзема на пожні.
Там стрэнемся па-брацку, —
Ў зямлю вачэй ня ўтупім.
Уцехай разгарацца
Настроі у наступным.
Народ мы апавесьцім
Аб вобразе мастацкім;
Той музыкай, той песьняй.
А трэці ў фарбе яснай.
Узьнімем шклянкі вышай
І чокнемся за творчасьць!
Мы дні наноў расьпішам:
У яснасьць і узорнасьць.
РУЦЭРН, АНТОКАЛЬ
За тост мы піць гатовы,
За тост і за мастацтва.
УСЕ
Радзеюць ночы бровы,
Пара і нам растацца.
