стаўнікі сусьветнай літаратуры. Напрыклад, да верша „Сябру-Дубоўку“ поэта ў якасьці эпіграфа бярэ радок з Пушкіна:
Мы почитаем всех нулями, |
У іншым творы яго ўпамінаецца Шаўчэнка; з асаблівай праніклівасьцю і цяплынёй гаворыць малады пясьняр аб чарах Гётэўскага гэнія:
Той-жа ціхі пакой. ("Як пажоўкнуць лісты"). |
Аўтар гэтых радкоў у працягу пяці год, у процесе выкладаньня беларускай літаратуры ў Бэлпэдтэхнікуме і Пэдфаку БДУ, дзе вучыўся поэта, меў мажлівасьць назіраць шпаркі разумовы рост пісьменьніка, асабліва яго неаслабную і напружаную зацікаўленасьць фольклёрам і мастацкай літаратурай, паступовае пашырэньне яго літаратурнага кругавіду. Праўда, Паулюк Трус у аўдыторы не выяўляў асаблівай актыўнасьці; мажліва, з прычыны некаторай залішня сваёй скромнасьці ён параўнальна рэдка па ўласнай ініцыятыве выступаў у абгаварэньні, напрыклад, сэмінарскіх дакладаў, у спрэчках, дыспутах і інш. Але затое якасьць выступленьняў пакрывала сабой недахопы колькасьці: кожнае яго выказваньне зварачала на сябе ўвагу сваёй сур'ёзнасьцю, сталай прадуманасьцю матэрыялу, і адначасова гэтыя выказваньні адзначаліся той-жа эмоцыянальнай насычанасьцю, якая характарызуе сабой і вершы поэты.
Побач з тэорэтычнай літаратурнай вучобай шырока разгортвалася рэволюцыйна-грамадзкая практыка Паўлюка Труса.
Нязьменны ўдзельнік розных грамадзкіх гурткоў, энэргічны працаўнік у правядзеньні розных ударных кампаній, сталы газэтны работнік, актыўны журналіст Паўлюк Трус быў органічна, тысячамі ніцяй зьвязаны з савецкай рачаіснасьцю: сваёй жыць-