Гэта старонка не была вычытаная
1-я дзяўчына
Чаго? Як і заўсёды ён і ў хаце знойдзе,
як захоча, тут лепш пасядзім.
А тады праз поплаў, валам ціха пройдзем.
4-я дзяўчына
Эт, давайце песьню,
сумна штось адным…
|
(Павольна пяюць песьню-трыё; адчуваецца глыбокі сум, няв ля) |
За жнівом у полі,
праца сьлёзы льле.
А мая няволя
песьню мне пяе.
Эх, сьпявай, няволя,
весялей сьпявай.
Мо‘ убачыць волю
наш забраны край.
Ой, гудзі, дубрава,
вечар, ты сьпявай.
Церпіць баль крывавы
наш забраны край.
Эх, няволя-пане,
ты пакінь мяне.
Новы дзень настане
ў нашай старане.
(Раптам чуецца далёкі гоман-выкрыкі).
3-я дзяўчына
Чакайце, што гэта за крык?
