Гэта старонка не была вычытаная
І праз вакно — з нагану
ў цьме начы імглістай
страляюць — партызана,
селькора, актывіста.
А ў шчыліне, хоць вузкай,
гняздо нажывы створаць:
з нацдэмам беларускім —
расійскі царадворац.
Знайшлі і мову згоды
ў імгле сваіх клапотаў.
Злачынствы іх — на продаж
і ў розьніцу і оптам.
Хто даражэй заплаціць,
таму і уклон з пакорай.
Вораг той, што ў хаце,
самы люты вораг.
І шкодніцтва нястрымна
турму і голад несла
— „Единой неделимой“
з… электрычным крэслам.
За Русь аслабнуць зборы,
узьнімуць сьцяг нажывы —
ад мора і да мора,
падвалаў дэфэнзывы.
Распрацавалі „радай“
І тактыку і пляны —
крывавай лютай здрады
рабочым і сялянам.
