Гэта старонка не была вычытаная
СЦЭНА ПЕРШАЯ
Удзельнічаюць:
1. Крутагор | 3. Бацька |
2. Яго маці | 4. Хлопчыкі, дзяўчаткі |
Адбываецца ў хаце Крутагора. Звычайная вясковая хата. Маці разглядае чорную аксамітную істужку.
Маці. Гм, што-ж гэта за істужка? Гладзенькая, чорненькая, аксамітная. (Разглядае, задумалася). А-а, успомніла. Шмат гадоў гэтай істужцы, ой шмат. Памерлі і дзед і бабка, нарасьлі новыя людзі…
Увайшоў бацька.
Бацька (паглядзеў на матку, якая стаіць у задуменьні). Што гэта ты стаіш, ды нешта задумаўшыся вельмі?
Маці. Ды я ўспомніла, бачыш, старынку.
Бацька. Якую гэта старынку?
Маці (паказвае істужку). Ды вось, бачыш.
Бацька. А што гэта?