Гэта старонка не была вычытаная
Вецер прабег над акраінай,
зьмяўшы на дрэвах атожылкі.
І праляцелі вітальныя
гучныя гораду водзыўкі.
Замятусіліся вуліцы,
і на бальконе над плошчаю
сьцягі вянком разьвінуліся,
сыплючы радасьць прыгоршчамі.
Радасьць упала пялёсткамі,
году насустрачкі новаму,
і пракацілася з лёскатам
і з прывітальнымі словамі.
*
Гучныя воплескі змоўклі,
раптам упалі далоў:
сьціплай і слушнай прамовай
мітынг пачаў Чарвякоў.
Прамова тав. Чарвякова.
— Новы год і новыя надзеі,
і чаканьні новых перамог,
бо ліхія зьявы і падзеі
пролетары дружна перамог.
Беларусь, бяздольная калісьці,
зваявала долю ў барацьбе
і з Масквой сягоньня ў таварысьцьве
вызначае новы шлях сабе.
