Старонка:У братоў-украінцаў (1936).pdf/41

тым больш глыбака распрацоўваюцца тэмы са ўсіх галінаў жыцьця. Мэтодыка ў адносінах да чытача — не напалохаць яго тым, што ён нічога не разумее, наадварот, супрацоўнічаць з ім, вясьці яго што раз вышэй. Вымогі ад чытача, які бярэ ў рукі першую кніжку, невялікія — каб умеў прачытаць напісанае, значыцца, курс некалькіх клясаў печаткавае школы.

Разглядаючы сяньня ўжо надрукавоная кніжкі, можна правесьці такі паміж імі падзел:

I.	Навука грамадзкага ўзгадаваньня	4	кніж.
II.	Сусьветная гісторыя	12	„
III.	Гісторыя сусьветнай вайны	2	„
IV.	Гісторыя украінскае рэвалюцыі	5	„
V.	Гісторыя рэвалюцыі ў Расеі	3	„
VI.	Гісторыя украінскага народу	5	„
VII.	Палітычна-грамадзкія навукі	5	„
VIII.	Эканомія	8	„
IX.	Аб зямлі	5	„
X.	Аб жыцьці	4	„
XI.	Астраномія	1	„
XII.	Геомэтрыя	1	„
XIII.	Аб жывёлах	3	„
XIV.	Аб чалавеку	2	„
XV.	Хімія	2	„
XVI.	Фізыка	5	„
XVII.	Аграномія (Земляробства)	1	„
XVIII.	Матэматыка	1	„
XIX.	Украінская літаратура	1	„
XX.	Гісторыя навукі	2	„

У I аддзеле — грамадзка-ўзгадаваўчым — бачым адну кніжку «Слова да маладых людзей — аб здаровым целе і здаровай душы, аб любові ды ідэалах жыцьця.» Сам назоў кніжкі паказывае на ейны зьмест. У гэным самым аддзеле знаходзіцца іншая кніжка з назоваю: «Культурны чалавек.» Гаворыцца ў гэнай кніж-